Thanks to Raman for sending 2 poems and 2 photographs (originally in B&W) and colored using a tool called “Recolored”.

Please share some details about this software – how much it costs etc….I am sure more readers will be benefited by that info…We all can put that to best use!!!

தென்னாடுடைய சிவனே போற்றி
எந்நாட்டவர்க்கும் இறைவா போற்றி

பிறந்தாய் ஸ்வாமிநாதனாக
வளர்ந்தாய் பீடாதிபதியாக
நடந்தாய் பாரதமெங்குமாக
வாழ்ந்தாய் மானிட தெய்வமாக

காஞ்சியிலே அமர்ந்துகொண்டாய்
கருணைமழை பொழிந்து வந்தாய்
காணவந்தோர் அனைவரையும்
வாஞ்சையினால் நெகிழ வைத்தாய்

எம்மதத்தார் வந்தாலும்
எங்கிருந்து வந்தாலும்
சம்மதத்துடன் சென்றனரே
தம் தெய்வம் கண்டனரே

வந்து வணங்கி நின்றோர்க்கும்
வாழ்வு தேடி அலைந்தோர்க்கும்
மனதில் ஓர் கணம் நினைத்தோர்க்கும்
புண்ணியமே உம் அருள் கிடைத்ததற்கும்

காணவந்து நினையாமல் போனாலும்
நினைத்து காணமுடியாமல் போனாலும்
பரிதவிக்கும் மானிடர் எல்லோர்க்கும்
நின் அருள் வேண்டும் எந்நாளும்

எஞ்சியுள்ள வாழ்நாளிலே
தஞ்சம் உம் திருப்பாதமே
நெஞ்சினில் நின் நாமம் நிலைக்கவே
கெஞ்சி வேண்டினோம் மஹாஸ்வாமியே

தென்னாடுடைய சிவனே போற்றி
எந்நாட்டவர்க்கும் இறைவா போற்றி

காஞ்சிமாநகரின் மங்காத ஒளியே
காமகோடி மட பீடாதிபதியே
சந்திரசேகர இந்திர சரஸ்வதியே
சகலரும் வணங்கிய மஹாஸ்வாமியே

புண்ணிய பூமியே பாரதமாம்
ஆதிசங்கரரே சிவன் அவதாரமாம்
நூற்றாண்டிலே ஓர் உதாரணமாம்
ஸ்வாமிநாத குருவே உம் ஜனனமாம்

பன்னிரண்டில் மாற்றம் கொண்டாயே
எட்டிரண்டில் ஞானம் பெற்றாயே
முப்பத்திரண்டில் சுற்றி வந்தாயே
சதம் கண்டு முக்தி பெற்றாயே

மடமுண்டு வழிமுறைகளுண்டு
தேவைகளை சுருக்கிக்கொண்டு
தன்னையே வருத்திக்கொண்டு
நீர் வாழ்ந்த வாழ்கையுண்டு

தன்னலம் மறந்து விட்டாய்
பொதுநலம் மனதில் கொண்டாய்
இருப்பவர்கள் கொடுக்க சொன்னாய்
இல்லாதவர்கள் துயர் துடைத்தாய்

வாழும் வகை சொன்ன சத்குருவே
வாழ்ந்தே காட்டிய மஹாகுருவே
தாழ் பணிந்தோம் லோககுருவே
என்றும் அருள்வாய் ஸர்வலோககுருவே

Categories: Bookshelf

Tags: poems